Kylian Mbappe og Cristiano Ronaldo munu kljást á morgun er Frakkland og Portúgal mætast í 8-liða úrslitum EM í Þýskalandi.
Mbappe, sem gekk í raðir Real Madrid fyrr í sumar, er gríðarlegur aðdáandi hins 39 ára gamla Ronaldo. Sá gerði garðinn auðvitað frægan hjá Real Madrid á árum áður og vill Mbappe gera slíkt hið sama.
„Ég fæ tækifæri til að lifa draum minn og spila fyrir Real Madrid. Vonandi skrifa ég söguna þar. Saga Cristiano þar var ótrúleg og ég vil líka gera eitthvað ótrúlegt,“ segir Mbappe fyrir leikinn annað kvöld.
„Ég hef ekkert nema gott að segja um hann. Við erum reglulega í sambandi. Hann er algjör goðsögn.“
