Belgíski miðvörðurinn Arthur Theate hefur valið að ganga til liðs við Al-Ittihad í Sádi-Arabíu.
Hinn 24 ára gamli Theate er á mála hjá Rennes en hann hafði vakið áhuga enska úrvalsdeildarliðsins West Ham, sem og fleiri félaga.
Theate hefur hins vegar valið Al-Ittihad og að spila undir stjórn Ítalans Stefano Pioli sem er að taka við liðinu. Kappinn hefur þegar staðist læknisskoðun.
Al-Ittihad greiðir Rennes 18 milljónir evra fyrir Theate, sem skrifar undir þriggja ára samning með möguleika á ári til viðbótar.
Al-Ittihad olli vonbrigðum í sádiarabísku deildinni á síðustu leiktíð og hafnaði í fimmta sæti sem ríkjandi meistari. Með liðinu leika menn á borð við N’Golo Kante og Karim Benzema.
🚨🟡⚫️ Arthur Theate to Al Ittihad, here we go! Deal in place for €18m fee to Rennes, all done also on player side.
First move for new coach Pioli, smart signing for Ittihad as many clubs were keen including West Ham.
24 year old Belgium international also completed medical. pic.twitter.com/KQA2qwGGzK
— Fabrizio Romano (@FabrizioRomano) July 3, 2024
