Það gerði fáa stuðningsmenn Manchester United glaða þegar þeir fengu að sjá goðsögn félagsins, Roy Keane, í treyju Arsenal í Þýskalandi.
Keane sást óvænt í Arsenal treyju þar í landi en hann starfar sem sparkspekingur ITV og fjallar um Evrópumeistaramótið.
Keane er mjög vinsæll á meðal margra stuðningsmanna United og hefur sjálfur viðurkennt að hann hafi hatað Arsenal á sínum tíma sem leikmaður.
Ian Wright, goðsögn Arsenal, vinnur með Keane hjá ITV en þeir eru oft saman í settinu að fjalla um leiki.
,,Þetta hentar þér. Stuðningsmenn Manchester United munu missa vitið,“ sagði Wright er hann sá Keane í treyjunni.
Það er óljóst af hverju Keane klæddist þessari ágætu treyju en nafn Wright var ritað á bakhliðina.
