Al-Hilal í Sádi Arabíu bauð Lionel Messi enga smá upphæð árið 2023 til að reyna að lokka leikmanninn til félagsins.
Þetta staðfestir forseti félagsins, Anmar Al Haili, en Messi var þá að yfirgefa Paris Saint-Germain í Frakklandi.
Messi ákvað að lokum að semja í Bandaríkjunum og gerði samning við Inter Miami.
,,Við höfðum samband við Messi þegar hann varð samningslaus í París. Við buðum honum 1,4 milljarð evra,“ sagði Al Haili.
,,Leikmaðurinn ákvað að neita því fjölskylda hans vildi Bandaríkin. Það kemur á óvart að leikmaðurinn hafi hafnað svo hárri upphæð fyrir fjölskyldu sína.“
