Luke Shaw, leikmaður Manchester United, vakti athygli er hann valdi sitt besta ellefu manna lið skipað leikmönnum sem hann hefur spilað með.

Shaw hefur spilað með fjölmörgum góðum leikmönnum bæði hjá United og enska landsliðinu.

Margir voru hissa að heyra af því að ekkert pláss er fyrir Bruno Fernandes, fyrirliða Shaw, hjá United.

Fernandes hefur verið einn besti ef ekki besti leikmaður United undanfarin ár en hann fær ekki sæti rétt eins og Harry Maguire.

Frank Lampard, Steven Gerrard og Michael Carrick skipa miðju liðsins en þeir eru allir hættir í dag.

Framlínan er í dýrari kantinum en þar má sjá Wayne Rooney, Cristiano Ronaldo og Zlatan Ibrahimovic.

David de Gea er í markinu og þeir Raphael Varane, Kyle Walker og John Stones skipa vörnina.