„Ég er með eina spurningu, er Helgi Guðjónsson vanmetnasti leikmaðurinn í deildinni?,“ sagði Aron Einar Gunnarsson sem var sérstakur gestur í Þungavigtinni í gær.

Helgi er framherji Víkings sem á ekki alltaf fast sæti í liðinu en skilar alltaf sínu og rúmlega það.

„Við höfum ekki gefið honum neitt svakalegt credit, tölum ekki mikið um hann,“ sagði Ríkharð Óskar Guðnason stjórnandi Þungavigtarinnar.

Aron horfði á Helga frábæran í sigri Víkings á Fylki í gær.

„Þessi fyrirgjöf, það er svo erfitt fyrir varnarmann að verjast þessu. Þetta var rocket, ef þú snertir hann sem varnarmaður getur þetta farið inn.“

Helgi var áður í Fram en hefur verið í Víkingi síðustu ár og spilað vel þegar tækifærið hefur komið.