Alisha Lehmann er ein vinsælasta knattspyrnukona heims. Hún er af enskum blöðum gjarnan kölluð fegursta knattspyrnukona í heimi.
Hún kemst á forsíður blaðanna í dag en hún er stödd í sumarfríi í Miami.
Hún er 23 ára gömul og á mála hjá Aston Villa á Englandi. Þar hefur hún verið síðan í fyrra.
Lehmann er einnig landsliðskona Sviss. Hún er með yfir tíu milljónir fylgjenda á Instagram.
Sóknarmaðurinn er í sambandi með Douglas Luiz, sem spilar með karlaliði Villa en hann er líklega að flytja til Ítalíu og ganga í raðir Juventus.
