Manchester United hefur ákveðið að selja Jadon Sancho í sumar og er verðmiðinn 40 milljónir punda.
Flestir virtu miðlar Bretlands sögðu frá þessu í gær en engu breytir hver mun stýra liðinu.
Sancho var lánaður til Dortmund í janúar og vill þýska félagið kaupa hann.
Sky Sports segir frá því núna að Juventus sé komið í slaginn og vilji ítalski risinn kaupa Sancho.
„Það eru mörg lið á Ítalíu og í Þýskalandi sem vilja kaupa Sancho;“ segir fréttamaður Sky Sports.
United fer fram á 40 milljónir punda og mun félagið ekki lækka þann verðmiða miðað við fréttir.
