Sjónvarpsþátturinn Íþróttavikan kemur út alla föstudaga á 433.is og á Hringbrautarrás Sjónvarps Símans. Helgi Fannar Sigurðsson og Hrafnkell Freyr Ágústsson hafa umsjón með þættinum en gestur þeirra að þessu sinni var enginn annar en Auðunn Blöndal.
Það er pressa í Vesturbænum en KR hefur ekki unnið síðan í 2. umferð í Bestu deild karla. Auðunn vonast þó til að Gregg Ryder, þjálfari liðsins, snúi genginu við.
„Ég fíla Gregg. Mér finnst skemmtileg viðtölin við hann. Eins lítið og ég hef þolað KR í gegnum tíðina held ég með Gregg og svo er Pálmi aðstoðarþjálfari góður félagi minn. Ég vona að þeir snúi þessu aðeins við.“
Sögusagnir hafa verið á kreiki um að Óskar Hrafn Þorvaldsson gæti tekið við starfinu í kjölfar þess að hann sagði upp hjá Haugesund á dögunum.
„Ef Óskar tekur við verður það eftir tímabil því hann vill fá sína leikmenn og búa til sinn leikstíl,“ sagði Hrafnkell.
Umræðan í heild er í spilaranum.
