Harry Maguire lætur markmann Manchester United, Andre Onana, líta ansi illa út að sögn fyrrum hollenska landsliðsmannsins, Ryan Babel.

Onana hefur gert þónokkur mistök í vetur en hann er vanur að spila með mönnum sem eru betri á boltanum samkvæmt Babel.

Maguire hefur átt fínt tímabil fyrir United en er ekki þekktastur fyrir það að vera of öruggur eða mjúkur með boltann.

,,Ég veit að sviðsljósið er oftar en ekki á Onana en mistökin sem við höfum séð eru samansafn af mörgum hlutum,“ sagði Babel.

,,Hjá Ajax þá var Onana með varnarmenn sem voru góðir á boltanum. Með fullri virðingu, ef Onana er að spila með Harry Maguire þá setur það hann í vandræði frá fyrstu mínútu því hann er að spila með varnarmanni sem er ekki að opna líkmann eða taka rétt hlaup.“

,,Hann var með þau forréttindi að spila með fjórum frábærum varnarmönnum hjá Ajax og Frenkie de Jong var þar fyrir framan og þeir létu hann líta mun betur út.“