Eins og flestir vita þá er Gareth Southgate sterklega orðaður við Manchester United sem gæti skipt um þjálfara í sumar.

Southgate er landsliðsþjálfari Englands í dag og mun þjálfa liðið á EM í sumar sem fer fram í Þýskalandi.

Harry Maguire, leikmaður Englands og Manchester United, vonar innilega að Southgate haldi áfram með landsliðið eftir að stórmótinu lýkur.

,,Við viljum ná árangri á EM við erum ekki að horfa til HM, EM er það sem skiptir okkur máli,“ sagði Maguire.

,,Ef Gareth er maðurinn sem nær árangri með liðið á EM þá viljum við halda honum eins lengi og við getum.“

,,Allir leikmenn Englands bera virðingu fyrir honum og allir þeir leikmenn sem hafa unnið undir hans stjórn.“