Jim Ratcliffe eignaðist nýlega 27,7 prósent hlut í Manchester United en um er að ræða ríkasta mann Bretlands.
Búast má við að breytingar muni eiga sér stað á Old Trafford í sumar og gætu ýmsir leikmenn verið á förum.
Framtíð Erik ten Hag, stjóra liðsins, er einnig í hættu eftir ansi slæma frammistöðu á köflum í vetur.
Samkvæmt Foot Mercato er Ratcliffe með mann efstan á óskalistanum og er það goðsögnin Zinedine Zidane.
Zidane talar litla sem enga ensku en hefur áður gert frábæra hluti með Real Madrid bæði sem þjálfari og leikmaður.
Ratcliffe ku vera mjög hrifinn af hugmyndinni að ráða Zidane til starfa en hvort Frakkinn vilji færa sig til Englands er annað mál.
