Rasmus Hojlund, framherji Manchester United, skoraði eitt marka United í 2-1 sigri liðsins á Aston Villa í gær en það hitnaði í kolunum undir lok leiks.
Hojlund var tekinn af velli í uppbótartíma en hann var ekki að flýta sér af velli.
Hojlund hafði sussað á stuðningsmenn Villa þegar United komst í 2-1 með marki frá Scott McTominay.
Þegar sá danski fór svo af velli lét hann stuðningsmenn Villa vita af því hvernig staðan væri í leiknum með puttunum á sér.
Það fór ekki vel í Douglas Luiz, miðjumann Villa sem ákvað að vaða í Hojlund sem svaraði fyrir sig og var ekki hræddur.
