Liverpool var ekki lengi að endurheimta toppsætið í ensku úrvalsdeildinni í leik gegn Burnley á Anfield í dag.

Manchester City komst tímabundið á toppinn með 2-0 sigri á Everton fyrr í dag en sú forysta entist ekki lengi.

Darwin Nunez var á meðal markaskorara Liverpool en hann gerði þriðja markið í 3-1 heimasigri.

Jurgen Klopp, stjóri Liverpool, hafði þetta að segja eftir lokaflautið á Anfield þar sem 59 þúsund manns voru mættir.

,,Ég get ímyndað mér hvernig Vincent Kompany líður því þeir gerðu svo mikið af flottum hlutum og leikurinn var óþægilegur fyrir okkur,“ sagði Klopp.

,,Að lokum þá náðum við að róa leikinn niður og skoruðum frábær mörk. Við vissum hvað við þyrftum að gera þegar flautað var til hálfleiks.“

,,Þetta var erfiður leikur við skrítnar kringumstæður.“