Thiago Silva, miðvörður Chelsea, er greinilega svekktur að spila ekki í Meistaradeild Evrópu á þessari leiktíð.

Hinn 38 ára gamli Silva hefur spilað yfir 100 leiki í Meistaradeildinni og unnið keppnina einu sinni, árið 2021 með Chelsea.

Nú tekur Chelsea hins vegar ekki þátt í keppninni eftir að hafa endað í 11. sæti ensku úrvalsdeildarinnar á síðustu leiktíð.

Silva birti færslu á Twitter (X) þar sem hann merkti aðgang Meistaradeildarinnar og setti grátandi kall við.

Færslan hefur fallið misvel í kramið á meðal stuðningsmanna Chelsea.

„Það er fallbarátta sem við þurfum að vera að pæla í,“ skrifaði einn, en Chelsea hefur farið illa af stað á þessari leiktíð einnig.

„Eyddu þessu,“ skrifaði annar og margir taka í sama streng.

@ChampionsLeague 😥

— Thiago Silva (@tsilva3) September 19, 2023