Christophe Galtier, stjóri PSG, hefur komið sóknarmanninum Lionel Messi til varnar sem hefur fengið gagnrýni á tímabilinu.
Það er í raun skrítið að Messi fái gagnrýni fyrir spilamennsku sína en hann hefur skorað 20 mörk í 39 leikjum í öllum keppnum.
Messi hefur lengi verið talinn einn besti ef ekki besti leikmaður heims og býst fólk við meira frá honum en öðrum spilurum.
Galtier segir að Messi hafi átt gott tímabil en stjórinn er að kveðja Frakkland í sumar eftir aðeins eitt tímabil samkvæmt frönskum miðlum.
Galtier hefur notið þess að vinna með Messi sem skoraði aðeins 11 mörk á síðasta tímabili eða sínu fyrsta hjá franska félaginu.
,,Leo er fótboltinn, það er rétt. Ég hef séð það á hverjum degi á æfingu og svo í leikjunum okkar,“ sagði Galtier.
,,Á þessu ári er tölfræðin hans góð og mun betri en á því síðasta. Ég tel að Leo hafi átt mjög gott tímabil en fólk býst samt sem áður við mun meiru.“