Cristiano Ronaldo telur að sádi-arabíska deildin eigi eftir að taka miklum framförum á næstu árum.
Eins og allir vita gekk Portúgalinn í raðir Al-Nassr þar í landi í vetur.
„Við erum að verða betri og verðum enn betri á næstu leiktíð,“ segir Ronaldo.
„Skref fyrir skref held ég að þessi deild verði ein af þeim fimm bestu í heiminum. En það þarf tíma, leikmenn og innviði.“
Ronaldo skoraði glæsilegt sigurmark Al-Nassr í leik gegn Al-Shabab í 3-2 sigri í gær.
Al-Nassr er þremur stigum á eftir Al-Ittihad þegar tvær umferðir eru eftir af deildinni.