Manchester United virðist ætla að taka áhuga sinn á Harry Kane á næsta stig. Þetta herma nýjustu fréttir.
Mirror segir frá því að stjórn United hafi samþykkt að félagið muni bjóða 80 milljónir punda í enska framherjann á næstunni.
Samningur hins 29 ára gamla Kane rennur út eftir næstu leiktíð. Tottenham þarf því helst að selja hann í sumar ef kappinn skrifar ekki undir nýjan samning í Norður-Lundúnum.
Það er ólíklegt að 80 milljónir punda munu duga. Talið er að Tottenham vilji um 100 milljónir punda fyrir Kane.
United gerir sér hins vegar grein fyrir því að fleiri félög munu verða á höttunum á eftir stjörnuframherjanum í sumar. Hann hefur til að mynda verið orðaður við Bayern Munchen og Chelsea.
Rauðu djöflarnir vilja því vera skrefi á undan.