Eins og greint var frá í morgun situr Antonio Conte, knattspyrnustjóri Tottenham í funheitu sæti og mun framtíð hans í starfi ráðast á næstu sólarhringum.
Framtíð Conte hjá Tottenham ræðst á næstu tveimur sólarhringum
Nú er tekið við landsleikjahlé í öllum helstu deildum knattspyrnuheimsins og ákvað Conte að nýta það í að snúa aftur heim til Ítalíu og hlaða batteríin fyrir það sem gætu orðið átakanlegir dagar.
Flestir hefðu kannski haldið að vel þekktur knattspyrnustjóri eins og Conte, á launaskrá hjá liði í ensku úrvalsdeildinni, myndi fljúga á fyrsta farrými milli Englands og Ítalíu en svo var ekki raunin.
Farþegi í vél lággjaldaflugfélagsins Ryan Air tók, með mikilli leynd, upp myndband af sessunaut sínum í flugvél á leið til Ítalíu, sessunauturinn var téður Antonio Conte.
Myndbandið úr flugvél Ryan Air hefur vakið mikla athygli og farið eins og eldur um sinu á samfélagsmiðlum.
15 million pound a year and he flys Ryanair 😭 pic.twitter.com/0QgwvQQMjJ
— 🐓 (@TottenhamBen) March 20, 2023