Sæti knattspyrnustjórans Antonio Conte hjá enska úrvalsdeildarfélaginu Tottenham er funheitt og mun framtíð Ítalans í starfi ráðast á næstu tveimur sólarhringum. Frá þessu greinir Sky Sports.
Conte lét gamminn geisa eftir 3-3 jafntefli sinna manna gegn Southampton á dögunum, hann var harðorður í garð leikmanna sinna sem og forráðamanna Tottenham.
Nú er tekið við landsleikjahlé í alþjóðaboltanum og hélt Conte heim til Ítalíu í frí á dögunum,
Sú skoðun að það verði erfitt fyrir Conte að halda áfram sem knattspyrnustjóri Tottenham er farin að gera betur og betur vart um sig.
Samningur hans við Tottenham rennur út í sumar en svo gæti vel farið að hann verði látinn taka poka sinn fyrr.
Tottenham er sem stendur í 4. sæti ensku úrvalsdeildarinnar með 49 stig.
