Erik ten Hag hafði engan áhuga á að tjá sig um málefni Mason Greenwood á blaðamannafundi Manchester United í dag.
Allar ákærur gegn Greenwood voru látnar niður falla í gær. Hann hefur ekki spilað fótbolta í meira en ár í kjölfar þess að hann var ákærður fyrir tilraun til nauðgunar, stjórnandi hegðun og líkamsárás, allt gegn fyrrverandi kærustu sinni Harriet Robson.
„Ég get ekki bætt neinu við. Ég vísa til yfirlýsingar félagsins,“ sagði Ten Hag.
„Eins og ég er búinn að segja þá get ég ekki sagt neitt um framvindu mála. Ég get ekki sagt neitt um það. Ég vísa í yfirlýsinguna og eins og er mun ég engu bæta við.“
United mætir Crystal Palace í ensku úrvalsdeildinni á morgun.
„Við höfum mikið að sanna gegn þeim. Fyrir tveimur vikum áttum við lélegan leik gegn þeim. Ég var ekki ánægður með frammistöðu okkar þá. Það var 90% orka og einbeiting og við töpuðum tveimur stigum. Á morgun þurfum við betri leik. Við þurfum að einbeita okkur betur í leiknum.“
Enski boltinn á 433 er í boði 
