Síðasta leik dagsins í ensku úrvalsdeildinni er nú lokið en boðið var upp á veislu á Old Trafford, heimavelli Manchester United.
Heimamenn í Man Utd byrjuðu leikinn sov sannarlega ekki vel en Villa leiddi með tveimur mörkum eftir fyrri hálfleikinn.
John McGinn skoraði fyrsta mark leiksins nokkuð óvænt úr langri aukaspyrnu en hann reyndi þá að gefa boltann á samherja sína innan teigs.
Seinna mark Villa var skorað eftir hornspyrnu og var það miðjumaðurinn Leander Dendoncker sem gerði það.
Allt annað lið heimamanna mætti til leiks í seinni hálfleik og átti Alejandro Garnacho flottan leik og sá um að jafna metin með tveimur mörkum.
Tvenna Garnacho kom Man Utd í 2-2 og var það svo Rasmus Hojlund sem gerði sigurmarkið og um leið sitt fyrsta deildarmark fyrir enska stórliðið.
Villa ógnaði marki Man Utd afskaplega lítið í seinni hálfleik og endurkoman nokkuð sannfærandi.
Hér má sjá einkunnir Sky Sports úr leiknum.
Man Utd: Onana (6), Wan-Bissaka (6), Varane (6), Evans (6), Dalot (6), Mainoo (7), Eriksen (6), Fernandes (7), Rashford (7), Hojlund (7), Garnacho (8).
Varamenn: Antony (7)
Aston Villa: Martinez (6), Konsa (6), Carlos (5), Lenglet (5), Digne (6), Douglas Luiz (6), McGinn (7), Dendoncker (6), Bailey (6), Ramsey (6), Watkins (5).
Varamenn: Moreno (5)
