Fyrirliði Aston Villa, John McGinn, hefur bannað leikmönnum liðsins að tala um titilinn í búningsklefa liðsins.
McGinn segir sjálfur frá þessu en Villa hefur komið öllum á óvart í vetur og er að berjast um toppsætið.
,,Ég banna T orðið, við erum búnir með 16 umferðir. Það er langt, langt ferli framundan,“ sagði McGinn.
,,Við sýnum öllum þeim sem eru í kringum okkur virðingu og liðum sem hafa verið í sömu stöðu og við til margra ára.“
,,Við erum nýir í þessari baráttu, getum við haldið þessu áfram? Ég veit það ekki, vonandi.“
McGinn var hetja Villa í gær sem vann Arsenal 1-0 en hann gerði eina mark leiksins.
