Tottenham 4 – 1 Newcastle
1-0 Destiny Udogie(’26)
2-0 Richarlison(’38)
3-0 Richarlison(’60)
4-0 Son Heung Min(’85, víti)
4-1 Joelinton(’92)
Tottenham svaraði heldur betur fyrir sig í ensku úrvalsdeildinni í dag er liðið mætti Newcastle á heimavelli.
Gengi Tottenham hefur verið ansi slæmt undanfarið og hafði liðið tapað fjórum af síðustu fimm leikjum sínum.
Heimamenn voru þó gríðarlega sprækir í viðureign dagsins og skoruðu fjögur mörk gegn einu frá gestunum.
Richarlison skoraði tvennu í þessum leik en Son Heung Min stal senunni og lagði upp tvö og skoraði eitt af vítapunktinum.
Joelinton lagaði stöðuna fyrir Newcastle undir lok leiks en það var langt frá því að vera nóg.