Arnar Gunnlaugsson þvertekur fyrir það að hann eigi í viðræðum við Norrköping í Svíþjóð. Fótbolti.net hélt slíku fram í gærkvöldi.

Arnar segir að hann færi aldrei í viðræður við neitt félag án þess að Víkingar væri meðvitaður um málið. Undir það tekur Kári Árnason í samtali við 433.is.

Hann sagði Víking ekki hafa fengið neina formlega beiðni um að fara í viðræður við Arnar.

„Ég hef heyrt af áhuga nokkurra liða í gegnum umboðsmenn en hef aldrei rætt við einn né neinn. Ég ber meiri virðingu fyrir mínu liði en svo að vera að standa í einhverju leynimakki,“ segir Arnar við Fótbolta.net í dag.

Arnar viðurkennir þó að áhugi sé á sér og það skal ekki koma neinum á óvart eftir magnaðan árangur hans með félagið. Arnar hefur þjálfað Víking í fimm ár og gert liðið í tvígang að Íslandsmeisturum og fjórum sinnum hefur liðið orðið bikarmeistari.

Arnór Ingvi Traustason, Ísak Andri Sigurgeirsson og Andri Lucas Guðjohnsen eru allir leikmenn Norrköping.

Ari Freyr Skúlason var leikmaður liðsins en ákvað að hætta í fótbolta nú þegar tímabilinu lauk. Norrköping endaði í níunda sæti sænsku deildarinnar.