Fyrrum miðjumaðurinn Jamie O’Hara er alls enginn aðdáandi markmannsins Andre Onana sem gekk í raðir Manchester United í sumar.
Onana hefur ekki byrjað vel hjá sínu nýja félagi og gerði slæm mistök í 4-3 tapi gegn Bayern Munchen í Meistaradeildinni í vikunni.
Onana vakti fyrst athygli í sumar er hann lét liðsfélaga sinn Harry Maguire heyra það í leik á undirbúningstímabilinu.
O’Hara segir Onana að halda sér saman og einbeita sér að því að sinna sínu starfi í markinu.
,,Onana pirrar mig ekkert smá. Ég man eftir leik á undirbúningstímabilinu þar sem hann baunaði á Harry Maguire. Muniði þegar hann hljóp úr markinu og við héldum allir að hann væri leiðtogi?“ sagði O’Hara.
,,Hann þarf að sauma hendurnar á. Þú ert að gagnrýna eigin liðsfélaga og svo hugsar maður bara: ‘Hvað ert þú að gera?’
,,Þetta pirraði mig ekkert smá. Haltu kjafti, náðu í boltann og sinntu þínu starfi.“
