Ezequiel Garay var á sínum tíma mjög öflugur knattspyrnumaður en ferill hans endaði fyrir þremur árum og fóru skórnir á hilluna mjög snemma.

Garay var 33 ára gamall er hann kallaði þetta gott en hann var síðast á mála hjá Valencia sem lét leikmanninn fara árið 2020.

Liverpool skoðaði að semja við hann á sínum tíma en ekkert félag ákvað að lokum að taka áhættuna. Garay ákvað því sjálfur að ferlinum væri lokið.

Eiginkona hans, Tamara Gorro ræðir samband þeirra í hlaðvarpsþætti á Spáni. Gorro er 34 ára og er vinsæll handritshöfundur og leikstjóri.

Hún og Garay eiga tvö börn saman en þau giftu sig fyrir 11 árum og eftir erfiðleikana á vellinum var samband þeirra nánast í molum.

„Ég hef ekki sömu löngun í manninn minn og áður, ég veit ekki hvort það er skortur á tíma eða vilja. En löngunin er ekki sú sama,“ sagði Gorro um sambandið.

„Þetta er ekki merki um að ég elski hann minna, við stundum ekki lengur kynlíf á hverjum degi. Ég er þreytt og margir tengja eflaust við það.“

Gorro kveðst hins vegar vera sérfræðingur þegar kemur að kynlífstækjum. „Ég er sérfræðingur þar, ég hef alltaf elskað þessi tæki. Ég nota þau ekki sem varamenn fyrir manninn minn.“

Í frétt enska blaðsins The Sun segir að Garay hafi verið hafður að háð og spotti af gömlum liðsfélögum úr félagsliðum og landsliði Argentínu, þeim þykir það ansi skondið að Gorro ræði kynlíf þeirra og kynlífstæki sín á opinberum vettvangi. Þeir skjóta fast á Garay sem var atvinnumaður í tæp 20 ár.