Wolves hafnaði fyrsta tilboði Manchester City í Matheus Nunes. Telegraph segir frá.
Nunes var fyrst orðaður við City í gær en leikmaðurinn sjálfur vill ólmur komast þangað.
Tilboði upp á 47 milljónir punda hefur hins vegar verið hafnað af Úlfunum. Talið er að upphæðin sé langt frá því sem félagið vill fyrir leikmanninn.
City mun að öllum líkindum bjóða aftur í Nunes.
Nunes er 24 ára gamall en City hætti við kaup á Lucas Paqueta miðjumanni West Ham, er hann undir grun vegna brota á veðmálareglum.
Kevin de Bruyne er frá vegna meiðsla um langt skeið og sökum þess vill City styrkja miðsvæðið sitt.
Nunes kom til Wolves frá Sporting fyrir ári síðan en hann hefur leikið 11 A-landsleiki fyrir Portúgal.
