U17 ára landslið karla sigraði Úsbekistan með tveimur mörkum gegn engu í öðrum leik sínum á Telki Cup æfingamótinu í Ungverjalandi.
Íslenska liðið komst snemma yfir með marki úr vítaspyrnu en það var Freysteinn Ingi Guðnason sem kom Íslandi yfir. Thomas Ari Arnarsson innsiglaði svo sigurinn í seinni hálfleik með öðru marki Íslands.
Lokatölur í Ungverjalandi, Ísland 2 Úsbekistan 0.
Ísland hafði tapað fyrsta leik sínum á mótinu gegn Króötum en mætir Ungverjalandi í síðasta leik sínum á laugardag.
