Næsta skotmark Liverpool á miðsvæði sitt virðist vera Cheik Doucoure miðjumaður Crystal Palace. Þessu heldur Independent fram.

Liverpool hefur misst af bæði Moises Caicedo og Romeo Lavia á síðustu dögum, báðir höfnuðu Liverpool og fóru til Chelsea.

Fyrr í sumar vildi Liverpool fá Mason Mount sem kaus að fara frekar til Manchester United.

Doucoure er öflugur varnarsinnaður miðjumaður sem er sú staða á vellinum sem Jurgen Klopp vill helst styrkja.

Palace er sagt vilja um 60 milljónir punda fyrir landsliðsmanninn frá Malí sem yrði þá þriðji miðjumaðurinn sem Liverpool kaupir í sumar.