Harry Maguire fyrrum fyrirliði Manchester United er sáttur hjá félaginu og ætlar líklega að vera áfram eftir að West Ham gafst upp á því að eltast við hann.

„Maguire ber virðingu fyrir West Ham en það var aldrei samkomulag í höfn um kaup og kjör,“ segir náinn aðil Maguire.

Maguire er klár í að lækka laun sín um 90 þúsund pund á viku til að fara til West Ham en vill þá fá greiðslu frá United.

„Maguire er sátutr hjá Manchester United, hann elskar félagið og telur að hann fái mörg tækifæri til þess að spila.“

Guardian segir að Maguire hafi viljað 7 milljónir punda frá United eða rúman milljarð króna.

United er ekki tilbúið að greiða Maguire þá upphæð svo að varnarmaðurinn fari en West Ham ætlaði að greiða 30 milljónir punda fyrir Maguire.

Maguire var ónotaður varamaður í sigri United á Wolves í gær og var sviptur fyrirliðabandinu fyrir tímabilið. Hann er því ekki í plönum Erik ten Hag.