Kepa Arrizabalaga er genginn í raðir Real Madrid á láni frá Chelsea.
Skiptin hafa legið í loftinu en eru nú frágengin.
Real Madrid varð fyrir áfalli á dögunum þegar Thibaut Courtouis, markvörður liðsins og einn sá besti í heimi í sinni stöðu, sleit krossband.
Félagið hóf því leit að manni til að leysa hann af og er ljóst að það verður Kepa, en hann er lánaður út komandi leiktíð en lánið inniheldur ekki kaupmöguleika.
Robert Sanchez var fenginn til Chelsea frá Brighton á dögunum og sá Kepa fram á mikinn tíma á varamannabekknum.
Kepa hefur reynslu úr spænska boltanum en hann er uppalinn hjá Athletic Bilbao og var keyptur þaðan til Chelsea á sínum tíma. Þá á hann 13 A-landsleiki að baki fyrir hönd Spánar.
Real Madrid vann einmitt fyrsta leik tímabilsins gegn Athletic Bilbao um helgina.
👋 @kepa_46 👋#WelcomeKepa pic.twitter.com/z9kvorhkT7
— Real Madrid C.F. (@realmadrid) August 14, 2023
