Manchester City 1 – 1 Arsenal (2-5 eftir vítakeppni)
1-0 Cole Palmer(’77)
1-1 Leandro Trossard(’90+11)

Fyrsti keppnisleikur enskra úrvalsdeildarliða fór fram í dag en um er að ræða leikinn um Samfélagsskjöldinn.

Þar mætast Englandsmeistararnir Manchester City liði Arsenal sem vann FA bikarinn á síðustu leiktíð.

Það styttist í að enska úrvalsdeildin hefjist á nýjan leik og er þetta fyrsti keppnisleikurinn í dágóðan tíma.

Um er að ræða tvö bestu lið Englands á síðustu leiktíð ef horft er á deildarkeppnina á síðustu leiktíð en Man City var í efsta sæti og Arsenal því öðru.

Dramatíkin var mikil á Wembley í dag í nokkuð spennandi leik en þeir bláklæddu komust yfir á 77. mínútu með marki frá Cole Palmer.

Allt stefndi í að Man City myndi fagna sigri en á lokasekúndunum og þá á 11. mínútu uppbótartímans jafnaði Leandro Trossard metin fyrir Arsenal.

Það tryggði bikarmeisturunum vítaspyrnukeppni þar sem þeir fögnuðu sigri en Kevin de Bruyne klikkaði fyrir Man City sem og Rodri.