Það er enn verið að ganga frá smáatriðum í samningi Rasmus Hojlund við Manchester United en hann verður kynntur sem leikmaður liðsins á næstunni.
Daninn ungi er að ganga í raðir United frá Atalanta. Félögin hafa náð samkomulagi um 75 milljóna evra kaup enska félagsins, auk 10 milljónum evra síðar meir.
Hinn tvítugi Hojlund mun skrifa undir fimm ára samning við United með möguleika á árs framlengingu.
United stefnir að því að búið verði að ganga frá öllu um helgina og að Hojlund verði formlega kynntur sem leikmaður félagsins þá.
Hojlund skoraði átta mörk í Serie A á síðustu leiktíð.
Hann verður þriðji leikmaðurinn sem United fær í sumar á eftir Mason Mount og Andre Onana.
