Christian Pulisic gat kvartað aðeins eftir að hafa yfirgefið lið Chelsea fyrir ítalska stórliðið AC Milan.

Pulisic kom til Chelsea fyrir fjórum árum og skoraði alls 20 mörk í 98 deildarleikjum fyrir félagið.

Meiðsli hafa sett strik í reikninginn hjá Pulisic sem skoraði aðeins eitt mark í 30 leikjum á síðustu leiktíð.

Þrátt fyrir 145 leikiá fjórum tímabilum segir vængmaðurinn að hann hefði viljað fleiri tækifæri til að sanna eigin gæði.

,,Það komu klárlega tímar þar sem ég hefði viljað fá fleiri tækifæri og verið ‘þessi náungi’ en af einhverjum ástæðum var það aldrei staðan,“ sagði Pulisic.

,,Í dag er ég bara gríðarlega spenntur fyrir þessari nýju áskorun og er svo sannarlega tilbúinn fyrir hana.“