Það verður fróðlegt að sjá hver mun taka við Real Madrid næsta sumar er Carlo Ancelotti stígur til hliðar.

Búið er að ákveða að Ancelotti kveðji sumarið 2024 en hann verður þá ráðinn landsliðsþjálfari Brasilíu.

Hver tekur við er óljóst en spænskir miðlar fjalla um að Real sé að skoða sex kosti og þar að þrjá fyrrum leikmenn liðsins.

Zinedine Zidane er til að mynda nefndur en hann hefur þjálfað félagið í tvígang og þá einnig Alvaro Arbeloa sem hefur þjálfað unglingalið félagsins og Raul Gonzalez sem raðaði inn mörkum fyrir liðið í mörg ár.

Julian Nagelsmann, fyrrum stjóri Bayern Munchen, er á listanum sem og Antonio Conte, fyrrum stjóri Inter, Chelsea, Juventus og Tottenham.

Athygli vekur að Jose Mourinho er einnig nefndur til sögunnar en hann hefur sjálfur áður þjálfað liðið en er í dag hjá Roma á Ítalíu.

Hér má sjá þá sem koma til greina en enginn af þeim er aðalþjálfari hjá félagi í dag fyrir utan Mourinho.

Julian Nagelsmann
Zinedine Zidane
Antonio Conte
Raul
Jose Mourinho
Alvaro Arbeloa