Gylfi Þór Sigurðsson er mættur til æfinga hjá Val og æfir þessa stundina með liðinu. Fréttamaður 433.is, Helgi Fannar Sigurðsson fór á staðinn og náði nokkrum myndböndum af Gylfa.

Gylfi Þór hefur átt í viðræðum við DC United í Bandaríkjunum en óvíst er hversu langt viðræðurnar eru komnar.

Gylfi Þór er 33 ára gamall en Valur hefur verið eitt þeirra lið hér heima sem hann hefur verið orðaður við. Hvort Gylfi sé að semja við Val eða ekki er óvíst.

Gylfi er nú á æfingu Vals og eins sjá má hér að neðan er hann klæddur í gult vesti.

Gylfi Þór hefur ekki leikið knattspyrnu í um tvö ár en mál hans í Bretlandi var fellt niður í maí, ljóst er að Gylfi stefnir á endurkomu í fótbolta.

Gylfi er 33 ára gamall en DC United hefur áhuga á að semja við hann auk fleiri liða erlendis, möguleiki er á því að Gylfi sé aðeins að æfa með Val til að koma sér í betra form frekar en að horfa til þess að semja við félagið.