Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti. Skemmtikrafturinn og hlaðvarpsstjarnan Hjálmar Örn Jóhannsson var gestur að þessu sinni.
Ömurlegt atvik átti sér stað í 3.deild karla á dögunum þegar Alberto Sánchez Montilla, leikmaður Kormáks/Hvatar, beit Hilmar Halldórsson, leikmann Kára, í kálfann. Mikið uppþot varð vegna atviksins og síðar mikil umræða í samfélaginu. Montilla slapp með fjögurra leikja bann fyrir þetta athæfi sitt.
„Ég verð að segja að fyrir mitt leyti fannst mér þetta ógeðfellt og óforskammanlegt,“ sagði Helgi í þættinum.
Hrafnkell tók til máls.
„Hann átti kannski að fá 5-6 leiki fyrir mér, en að vera að banna hann út tímabilið er bara algjört bull. Þú átt alltaf skilinn annan séns. Það er ekki hægt að banna þig heillengi,“ sagði hann og Hjálmar var sammála.
Helgi var hins vegar á öðru máli.
„Ég er ekki sammála þér. Mér hefði funndist réttlætanlegt að banna hann út tímabilið.“
Umræðan í heild er í spilaranum.
