Alfreð Finnbogason og Sævar Atli Magnússon hafa báðir framlengt samninga sína við Lyngby ef marka má danska miðilinn BT.

Báðir voru þeir hluti af liði Lyngby sem hélt sér á ótrúlegan hátt uppi í dönsku úrvalsdeildinni á síðustu leiktíð. Undirbúa þeir sig nú fyrir landsleiki Íslands gegn Slovakíu og Portúgal hér á landi í undankeppni EM.

Samningur Alfreðs var að renna út en BT segir hann hafa framlengt hann um einn ár. Framherjinn ræddi við 433.is í gær og gaf því undir fótinn að hann myndi vera áfram hjá Lyngby.

„Ekki spurning. Mér líður vel þarna. Það sem maður metur mikið á seinni stigum ferilsins er umhverfið og að maður hafi hlutverk þar sem maður er. Mér finnst ég hafa þarna og þetta er klárlega staður sem ég sé mig vera áfram á.“

Samningur Sævars átti að renna út eftir ár en nýr samningur skuldbindur hann Lyngby til 2025.