Eins furðulegt og það hljómar þá þarf Chelsea ennþá að endurbyggja leikmannahóp sinn þrátt fyrir að hafa eytt 600 milljónum punda í nýja leikmenn á engum tíma.

Þetta segir Frank Lampard, stjóri Chelsea, en hann mun aðeins sinna því starfi út tímabilið.

Chelsea hefur keypt rándýra leikmenn bæði síðasta sumar og í janúar en þeir hafa flest allir valdið vonbrigðum.

Lampard sá sína menn tapa 4-1 gegn Manchester United í vikunni en hann er á því máli að það þurfi að breyta hópnum verulega til viðbótar.

,,Þetta var virkilega slæmt ár fyrir félagið, það mikilvægasta er að komast að því hvað er að og hvernig á að laga það. Það þarf að endurbyggja hópinn, það verður gert í sumar,“ sagði Lampard.

,,Það þarf að bæta ýmsa hluti til að komast á sama stað og önnur félög.“