Það varð ljóst í gærkvöldi að Liverpool verður ekki á meðal liða sem keppir í Meistaradeild Evrópu á næstu leiktíð, ekki óvænt tíðindi en áfall fyrir hið öfluga lið Liverpool.

Eftir að hafa verið eitt besta lið Evrópu undanfarin ár hefur Liverpool ekki átt gott tímabil og endar í fimmta sæti deildarinnar.

Ljóst var að Liverpool færi ekki í Meistaradeildina þegar Manchester United vann 4-1 sigur á Chelsea.

„Ég held ekki,“ sagði Jurgen Klopp á fréttamannafundi í dag þegar hann var spurður að þvi hvort þessi tíðindi hefðu áhrif á það hvaða leikmenn vilja koma til Liverpool í sumar.

„Eftir því sem leikmennirnir eru betri því minna vilja félögin selja þá, við höfum alveg undirbúið okkur undir það.“

„Við höfum tíma, ef við fáum leikmenn inn á morgun eða eftir sjö vikur. Það skiptir mig mjög litlu máli.“