West Ham er til í að leyfa Declan Rice að fara í sumar en aðeins fyrir rétt verð.

Hinn 24 ára gamli Rice hefur verið frábær fyrir West Ham í fleiri ár þrátt fyrir ungan aldur. Nú er útlit fyrir að kappinn haldi í stærra félag.

Rice á ár eftir af samningi sínum við West Ham en félagið getur hins vegar framlengt þann samning um eitt ár.

Arsenal er talið leiða kapphlaupið um leikmanninn en Skytturnar þurfa að greiða uppsett verð.

Telegraph segir að Arsenel sé að undirbúa 92 milljóna punda tilboð í Rice.

Það er ólíklegt að það verði samþykkt því það hefur verið nefnt að West Ham vilji 120 milljónir punda fyrir miðjumanninn sinn og fyrirliða.