Thomas Frank hefur verið rekinn sem stjóri Tottenham eftir afleitt gengi frá því hann tók við í sumar. David Ornstein greinir frá þessu.

Frank tók við Tottenham í sumar af Ange Postecoglou, sem var rekinn þrátt fyrir að landa Evrópudeildartitlinum, en liðið hafnaði í 17. sæti ensku úrvalsdeildarinnar undir hans stjórn í vor.

Daninn, sem er 52 ára, náði aldrei að vinna stuðningsmenn á sitt band. Tottenham hefur ekki unnið í átta leikjum í röð og er aðeins fimm stigum fyrir ofan fallsæti.

1-2 tap Tottenham gegn Newcastle í gær reyndist banabiti Frank. Fínt gengi hans í Meistaradeildinni dugir honum ekki til að hanga í starfi lengur.

Frank var áður stjóri Brentford og gerði ansi fína hluti þar. Tottenham hefur þegar hafið leit að arftaka hans.

🚨 EXCLUSIVE: Thomas Frank sacked as Tottenham Hotspur head coach. #THFC working through various possible contingency plans to replace 52yo Dane as club sit 14th in Premier League – 5 points above relegation zone after 2 wins from 17 matches @TheAthleticFC https://t.co/wy09K1KjjB

— David Ornstein (@David_Ornstein) February 11, 2026