Stjarnan vann HK í níu mark leik í Bestu deild karla í kvöld. Segja má að frá fyrstu mínútu hafi liðin boðið upp á sýningu.

Ívar Örn Jónsson kom HK yfir strax á þriðju mínútu en Guðmundur Baldvin Nökkvason svaraði fyrir heimamenn með tveimur mörkum.

Aftur var komið að HK og þeir Örvar Eggertsson og Atli Hrafn Andrason skoruðu báðir fyrir leikhlé. Gestirnir með 2-3 forystu þegar gengið var til búningsherbergja.

Í síðari hálfleik tók Stjarnan völdin og þeir Ísak Andri Sigurgeirsson, Guðmundur Kristjánsson og Adolf Daði Birgisson skoruðu allir. Að auki klikkaði Guðmundur Baldvin á vítaspyrnu þar sem hann hefði getað fullkomnað þrennuna. Atli Arnason lagaði stöðuna fyrir HK í uppbótartíma með marki úr vítaspyrnu en Guðmundur Kristjánsson fyrirliði Stjörnunnar fékk rautt spjald þegar vítið var dæmt, lokastaðan 5-4. Fyrstu stig Stjörnunnar í sumar í hús

Í Víkinni unnu heimamenn 3-0 sannfærandi sigur á KR, heimamenn höfðu öll tök á leiknum en Logi Tómasson, Birnir Snær Ingason og Arnór Borg Guðjohnsen skoruðu mörkin. Víkingar með fullt hús stiga eftir þrjá leiki og eru einir á toppnum í Bestu deildinni.

Í Árbænum vann Fylkir góðan sigur á FH. Fylkir voru án stiga fyrir leik og komust í 2-0 í fyrri hálfleik með mörkum frá Benedikt Daríus Garðarssyni og Ólafi Finsen.

Gestirnir jöfnuðu með mörkum frá Ólafi Guðmundssyni og Herði Inga Gunnarssyni. Það var hins vegar Ásgeir Eyþórsson kom Fylki aftur yfir og Óskar Borgþórsson skoraði fjórða markið og tryggði 4-2 sigur.