Arsenal getur tryggt sér sæti í Meistaradeild Evrópu á næstu leiktíð með sigri á Southampton í kvöld.

Liðin mætast á Emirates vellinum í fyrsta leik helgarinnar í ensku úrvalsdeildinni.

Arsenal er á toppi deildarinnar en Southampton á botninum.

Skytturnar hafa gert jafntefli í síðustu tveimur leikjum sínum í deildinni en eru enn með fjögurra stiga forskot á Manchester City. Síðarnefnda liðið á þó leik til góða.

Þó svo að Arsenal horfi vissulega í það að verða Englandsmeistari á þessari leiktíð úr því sem komið er væri glæsilegur árangur að komast í Meistaradeildina í fyrsta sinn í sjö ár.

Það sæti verður tryggt með sigri á botnliðinu í kvöld.

Leikurinn hefst klukkan 19 að íslenskum tíma.