Kevin de Bruyne bað blaðamann Sky Sports um að líkja sér ekki við goðsögnina Cesc Fabregas í gær.
Fabregas er stoðsendingahæsti leikmaður í sögu ensku úrvalsdeildarinnar en De Bruyne náði 100 stoðsendingum í 56 færri leikjum.
De Bruyne lagði upp mark fyrir Manchester City í gær sem vann Southampton með fjórum mörkum gegn einu.
Belginn vill ekki að fólk beri sig saman við Fabregas sem gerði garðinn frægan með Arsenal og Chelsea á Englandi.
,,Ég sá þetta fyrir leikinn. Ég veit að margir voru að tala um þetta á netinu,“ sagði De Bruyne við Sky Sports.
,,Þetta er eitthvað sem þú getur ekki misst af. Ég reyni bara að skapa eins mikið og ég get. Ég hefði getað náð tveimur eða þremur í viðbót, ef þeir skoða þá fæ ég stoðsendinguna.“
,,Auðvitað er ég stoltur en ekki líkja mér við Cesc. Cesc var magnaður fótboltamaður og ég líki mér ekki við aðra.“
,,Ég reyni bara að gera það besta sem ég get gert. Fólk mun tala um að ég hafi náð þessu á styttri tíma en hlutirnir ganga misjafnir fyrir sig og við skorum mikið af mörkum.“
