David De Gea hafnaði fyrsta tilboði Manchester United um nýjan samning. The Athletic segir frá.
Samningur spænska markvarðarsins á Old Trafford rennur út í sumar og getur hann farið frítt þá ef hann framlengir ekki.
Báðir aðilar vilja hins vegar finna lausn svo leikmaðurinn geti verið áfram.
De Gea og hans fulltrúar voru ekki alveg nógu sáttir með fyrsta tilboð United og telja hann eiga meira skilið.
De Gea er launahæsti markvörður heims með 375 þúsund pund á viku. Hann áttar sig á að hann fær ekki sömu upphæðir með nýjum samningi.
Þrátt fyrir það vill De Gea að United hækki tilboð sitt aðeins.
