Faruk Hadžibegić þjálfari Bosníu á von á erfiðu verkefni þegar íslenska landsliðið heimsækir Bosníu í undankeppni Evrópumótsins á morgun.
Leikurinn fer fram í Zenica en íslenska landsliðið kom til landsins í sumar.
„Við getum aðeins talað um að við séum sigurstranglegri ef við vinnum þá, ég ber virðingu fyrir öllum andstæðingum og sökum þess er þetta mjög mikilvægur leikur,“ sagði Hadžibegić.
„Við viljum fara á Evrópumótið, við erum með tækifæri til þess en við viljum vinna riðilinn. Íslendingar hafa eflaust einhverjar væntingar, þeir hafa undirbúið sig vel. Ísland hefur styrkleika til að stríða okkur.“
„Ég hef hrifist af því að skoða það hversu mikið íslenska liðið hleypur og leggur á sig. Við undirbúum okkur út frá því til að gefa okkur besta möguleikann til sigurs.“
