KR hefur gengið frá samningi við norska markvörðinn, Simen Lillevik Kjellevold en þetta herma öruggar heimildir 433.is.

Samkvæmt heimildum kom Kjellevold til landsins í gær en verið er að klára pappírsvinnuna varðandi félagaskipti hans.

Kjellevold er 28 ára gamall en honum er líklega ætlað að fylla skarðið sem Beitir Ólafsson skildi eftir sig í Vesturbænum.

Beitir ákvað að leggja hanskana á hilluna í vetur en Kjellevold mun berjast við Aron Snæ Friðriksson um stöðu markvarðar hjá KR.

Kjellevold lék síðast með Grorud IL í heimalandinu en hann hefur verið samningsbundinn Stabæk og fleiri félögum.

KR hefur verið að styrkja lið sitt nokkuð á undanförnum vikum og meðal annars fengið Jóhannes Kristinn Bjarnason og Olav Öby.