Joao Felix er á barmi þess að ganga í raðir Chelsea.

Felix er á mála hjá Atletico Madrid en fer á láni til Lundúnaliðsins út yfirstandandi leiktíð. Félagaskiptin hafa legið í loftinu og virðast nú vera að ganga í gegn.

Kappinn mun á næstu klukkustundum fljúga til London, fara í læknisskoðun og skrifa undir lánssamning.

Fyrst skrifar Felix hins vegar undir framlengingu á samningi sínum við Atletico til 2027.

Chelsea borgar 11 milljónir evra í lánsfé fyrir Felix og greiðir öll hans laun þar til í vor.

Chelsea hefur verið í vandræðum á leiktíðinni og er í tíunda sæti ensku úrvalsdeildarinnar.

Felix hefur verið hjá Atletico síðan 2019 og er hann dýrasti leikmaður í sögu félagsins.

João Félix to Chelsea, here we go! Full verbal agreement reached, loan move on €11m fee with 100% salary covered by Chelsea. 🚨🔵 #CFC

Before leaving, JF will extend contract with Atléti until 2027.

João will fly to London in the next hours to undergo medical tests and sign. pic.twitter.com/F5aYKMgspa

— Fabrizio Romano (@FabrizioRomano) January 10, 2023